2014年3月8日星期六

故巢雜記



有位網友日前出了一篇中上環遊記。

其中有幾幅相片,是小時所居住那條街道的現貌。時隔半個世紀,讓未及知命即飄洋過海、打算卜老異鄉的舊燕看個仔細之後,自然會有些觸動的了。是 "巧" 的都固該感謝;並不是 "巧" 的,就更要感謝再加感謝那位心水清、好記性的網友, "帶我" 在故巢附近走了一回。  ^_^

其實隔幾年就飛回去一次,想去是大可以去看看的。只是近年大人回去省親幾次都在暑假  ~ 天氣實在太熱,加上人懶,九龍人若非約了故舊及有事要辦,就較少踏足島上。況且至忙係飲飲食食,每次雖然都逗留幾個星期,可感覺總是來去匆匆的。 :P

年代久遠,對這個最早的故巢印象已經比較模糊。那零零碎碎的片段而且都還是黑白的,沒有網友拍的這些照片那麼色彩繽紛。

實在不知幾時會連這部分的些許記憶都可能失去,姑且趁機記下此篇。  ^_^


筆指的是故巢所在位置

說到印象模糊...
那時年紀小,又蠢蠢鈍鈍,連出入必經的那小巷一向都說不出名字
經網友提起才知叫五桂坊 ~ 巷名倒真不 "俗" 哩  



下面筆指的是居住的水坑口街
這圖顯示的就是當年大槪的經常活動範圍 ~
卜公花園內的籃球場和大笪地是兩處最常到的地方
(這個故巢失修巢危之後,又在附近覓巢住過好一陣;
後來由上環搬了過九龍,跨海返學逾年(?)才中學畢業的。)




 下面輯相是新鮮熱辣問網友借用(謹致萬分謝意! ;-) )的街道今貌
現僅根據地形環境的有限印象而自說自話
倘有謬誤,尚祈指正。

^_^

水坑口街與皇后大道中(西 ~ 開始?)連接的路口
紫紅鮮色豎牌想是有關水坑口的掌故了

背對荷李活道向左邊取景

右邊

正面
跟箭咀左轉出荷李活道
背向皇后大道中朝荷李活道方向
小巷五桂坊可能就在商業大廈的黃色廣告牌之前(?)
若然,相中左邊垃圾桶和第一部的士附近應該就是故巢的所在位置
半個世紀以還,如今徒得街在,而人、物皆非矣!

那時條街有花舖、屐舖、布舖...等等,地痞茶居都有一間 ~
外婆有時帶落去飲早茶, 印象最深係食一個窩形如鑊的包(上面露空盛餡),
餡料一如雞球大包咁豐富 ~ 有雞、腩肉、蛋...!
而右邊最上面前臨荷李活道的舖位從前是間雜貨店
籐器竹器、雜貨、豬仔錢罌、砂釡罌罉...甚至磨墨用的墨缽都有得賣
店名不記得,因為我地習慣稱之為 "豬仔婆" 而不名! :-)

加插一張收存的陳年舊照
可作今昔比較
大槪當年




前面的有記合臘腸舖仍有印象,想必是自置物業
與附近建築物比較, 亦見證歲月滄桑

從前是 "大笪地" 的荷李活道公園


---------------------------------------------------------------------------------------------


這些年也從網上的幾個來源收存了一批有感覺的舊照片,有小部分是比較新的。為了這篇,又GOOGLE了一些其他有關連的,順便用來說說舊時的生活點滴,緬懷一下往昔的歲月。



卜公花園側的普慶坊
一新一舊的兩幢樓宇應該都建在同一地段之上
兩者默默地先後更替,看顧著對面的卜公花園球場
豈非如一代又一代的人一般?...

下面的舊樓仍有印象
右方有間租賃單車的地舖,當年偶有幫趁。

在這幾個籃球場曾經留下不少腳毛、滴下不少汗水
不過當年梗係冇咁靚喇
三個籃球場前面低下去而致在此看不見的是一個大足球場
不少足球健將甚至明星如胡國雄等都是在該處踢波 "出身" 的

卜公花園遊樂場
右方行幾級石級入去就是那個頗有名氣的足球場

GOOGLE到這幅五桂坊夾荷李活道的相片
太新,本來無甚印象
憑地形、摷記憶,兼新、舊拼湊...
五桂坊口應在鏡頭之後偏右
從五桂坊要上好幾十級石級(分數疊)才到荷李活道
記得當年有檔雲吞麵晚上挑燈開在五桂坊石級頂處
老豆偶然會同我(我細,弟妹更細,多數冇份 :-) )落去整碗消夜的
那時正宗羊城風味的 "細蓉" 不會有樽紅醋讓你倒落碗麵
而是用個麥芽糖盅裝些酸瓜放在枱上奉客的
並任食唔嬲

冬天的晚上,左右還有推車的煨番薯及裹蒸糉叫賣。

另張水坑口街街景

還有些舊照,若當年常在該處出入過,今日見到恐怕都會和自己的感覺差不多...


荷李活道公園前身
大笪地舊貌
年份不清楚
大槪總係差不多自己經過的那個年代


一向都以為叫 "經濟飯店"
見此相才清楚係叫大笪地飯店
細時尐大人好多都叫 "經濟" ... "經濟" 的
屋頂個橫匾招牌未必留意到
而應該是門前有寫著水滾茶靚及消費經濟之類
於是尐人就叫開了作 "經濟" 飯店

大笪地內好多醫卜星相以及影相、剪髮的檔口
至於相左的亭...哈哈...有陣曾經作了我不少零用

燒過嚟,還是不過荒廢了而已?!
此亭曾經有人用作租公仔書(連環圖)的檔口
有陣我是忠實顧客之一
睇到連老豆(姓乜當然仍是一定記得的)都知道晒我的行踪
有時瞄到有個熟悉的身影入嚟...知道要起身走人
有時甚至睇到聚精會神,感覺有人站在面前唔郁,抬頭一看...
放低本書就被押解返歸 :P
好在前前後後又唔會點鬧  ;-)
尚算給小子留番幾分顏面 ~ 不過都係尷尬冇癮
那時尐大人唔理三七廿一,視公仔書為洪水猛獸
總之睇就有害冇益
咪話,嗰時有尐似乎都覺得幾好睇,尤其鍾意睇...封神榜 :-)

左右這兩個名字仍然記得




---------------------------------------------------------------------------------------------



都說白雲蒼狗,世事恆變。未郁之前,發夢也想不到竟然有日會在番邦生活.....

在小島先後有三處地方住得時間較長,難免有些感情。聽說住過的那公共屋邨亦已列入重建藍圖;雖然堂弟年前返去一行,寄過幾幅相片給我,不過自己都想有機會親身回去分別看看的。

舊燕歸故巢...看看,巢在與不在,都沒所謂;去到仍能記起當年某些片段,神馳一下足矣...





12 則留言:

  1. 你提到的雜貨鋪會唔會係朱榮記?...依家仲係到架...星期日無開影唔到...佢平日放晒d紅色膠豬仔錢罌係門口...吸引好多人去影架......你最後水坑口嗰張相有影到佢開咗鋪.........

    回覆刪除
    回覆
    1. (大力鼓掌)...^-_^
      心水清即是心水清 ~ 機會甚大。
      那時候間舖係開在兩條路的轉角位置的。可能因為樓宇重建的先後或其他原因, 現在已搬在隔鄰。也是因為真係忘記了舖名, 你那相片間舖拉了閘, 聯想不起來。GOOGLE回來的相又見不到街角位置...。:P
      幾十年還在街內做番同樣的生意, 這樣的生意又應該賺唔到大錢(應該是自己舖(?), 街坊後人的 "長情" 和守業精神, 值得我致敬! :-)

      刪除
    2. 上網睇下原來朱榮記開咗五十幾年喇...
      https://dowhat.com.hk/item/3624/
      依家荷李活道同水坑口個corner位(朱榮記旁)好似係間酒店......

      刪除
    3. 真係多謝MISS提供的資料以解惑...; 五十幾年歷史, 咁肯定就是那間 "豬仔婆" 罅。 :-D
      "老" 街坊推想, 舊舖處於轉角位, 面積大過現在呢間。可能不知幾時畀人收購(?若然, 應該獲補一大筆錢)重建, 店主就在隔鄰買了舖位繼續經營(應該還有錢落袋 :-))。
      我比較喜歡以前的缸瓦豬仔錢罌, 多過塑膠的。我都應該玩過一兩個。:-)
      出鏡的東主似乎仍然相對後生, 至少是第二代甚至可能是第三代的守業者。難得他們仍然堅守故業...。有機會真係要返去行下...


      刪除
    4. 遲尐有機會要問問細妹, 記唔記得豬仔婆其實係乜名...哈...

      刪除
  2. 最尾張相有個招牌名劉悟因的,是一個睇相佬,當時算幾有名,我也幫襯過呢,哈哈 ! 依家他應該好大年紀了。上環與其他區比,發展不算太大,很老化。住宅以荷李活華庭最豪的了,樓價都好犀利。我老爺在生時,常在上環東華醫院留醫,每次探病,印象中好似也會經水坑口街行入去的,沿路都是些舊樓,矮矮的幾層高。你下次回來,好好抓緊機會去懷舊一番吧。

    回覆刪除
  3. 個名我以前見慣見熟, 不過自己從來未睇過相的。 :-)
    久不久就畀老豆捉埋去大笪地一齊剪髮...當時任由宰割, 剪到見青, 現在的不過是古老當時髦而已。哈..
    條街以前全都是些戰前的舊木樓, 我地住到打風變危樓後封閉才離開的。我諗隨後不久尐樓都陸續變得危危乎, 開始逐尐逐尐重建成如今單幢幾層高的石屎樓, 有尐至今可能都亦有三數十年歷史了。
    其實心目中係想等大人一齊加入摩托羅拉大軍之後, 在天涼的時候回去, 並且更多留一些時間, 飲飲食食之餘, 還可以他他條條周圍行下 ~ 甚至去下邊度的短程旅行的...。
    有時真係會有 "好好抓緊機會" 的想法架 ~ 不只是說某次, 而是...幾年才番一次, 唔知重返得幾多次; 以及身體幾時頂唔順咁遠水路飛嚟飛去... :-D

    回覆刪除
  4. 你比較鍾意念舊,見你咁有心機找尋舊日的足跡便可見一班。兒時住在灣仔皇后大道東的衞生局宿舍,在那裏出世,住至我爸爸退休要交回宿舍才搬走,也住了20年呢。舊址現在已變了胡忠大廈,合和中心前身是香港大舞台,細個成日去睇戲甚至睇大戲,有個鄰居在戲院做,負責入場摵飛,於是我地成日博懵入去睇戲。石水渠街那間藍屋,兒時曾留下不少足印。五六十年代,香港還很貧脊,家裏沒有甚麼玩,成日與哥姊們流連在石水渠街做街童,那裏很熱鬧,很多小食車仔檔。有一檔賣烘麵包的,逐塊賣,好似斗零一塊卦,烘完啲麵包會淋啲沙糖來食的。又有一檔賣麵的,即淥的,淥完就企喺街邊食,好有風味。另外又有煨魷魚啦,牛雜檔啦,豬紅粥啦、煨蕃薯,烘薄餅。冇錢食睇下都好啦。我亞媽周時住籐條去搵人,我兩個亞哥成日玩到唔識返歸,我同我家姐就好乖的,唔會咁忘形。其實我的童年都幾快樂,雖然物質唔豐富,但係日子過得好開心,我覺得幸福過依家的細路。

    回覆刪除
  5. 做人匆匆幾十年光景, 年紀大咗, 得閒無聊, 就難免有時諗番起以前尐嘢。不時喺度UP三UP四 (:P), 興到就亂寫, 說的都是些無無聊聊、芝麻綠豆的事和生活上的一鱗半爪。寫寫埋埋, 有時睇番, 自有一番滋味在心頭。難得的是這些年你地和幾位網友常來天南地北的說上兩句, 正如你說的 "天涯若比鄰", 令這裏增添不少生氣。這是意外之喜。 :-)
    年紀我大過你, 不過都是差不多屬於那個年代的, 童年生活應該都相似。女仔始終冇男仔咁 "爛" 玩的; 講食嘢, 相信我就為食過你, 只恨自己當時冇乜零用錢啫。我最食得多係大笪地檔車仔牛什, 食到現在都咁鍾意食牛什呢... :-D

    回覆刪除
  6. 哈哈﹗九龍人,搭唔到嗲....

    回覆刪除
    回覆
    1. 出黎做嘢之後才出城踏足港島﹗

      刪除
    2. 細個在上環生活時極少過九龍...只記得讀書時有次跟成班同學過海睇戲 ~ 去佐敦道間快樂戲院睇齣西片... :-)
      搬了過九龍, 除了返學和返工, 平時亦甚少無事過香港行...。

      刪除